ຣັດເຊຍ ເປີດເຜີຍເຮລີກົບແຕລຸ້ນໃໝ່
ເຮລີກົບເເຕ Mi-26T2V ລຸ້ນໃໝ່ທັນສະໄໝ
ໜັງສືພິມ ກອງທັບປະຊາຊົນຫວຽດນາມ ລາຍງານວ່າ: ບໍລິສັດ Rosoboronexport ຜູ້ຜະລິດໄດ້ເປີດເຜີຍເຮລີກົບເເຕ Mi-26T2V ລຸ້ນໃໝ່
ທັນສະໄໝ, ເຊິ່ງຍົກລະດັບຈາກລຸ້ນ Mi-26 ແຕ່ຍັງຄົງຮັກສາໂຄງສ້າງພື້ນຖານລຸ້ນກ່ອນໄວ້ເຊັ່ນ: ຄວາມຍາວ 40 ແມັດ, ປີກ 32 ແມັດສູງ 8.2 ແມັດ,
ຕິດຕັ້ງຈັກໃບພັດ 2 ເຄື່ອງ, ມີລະບົບໃບພັດຍົກໂຕຍົນ 8 ໃບ ແລະ ຫາງ 5 ໃບພັດ.
ເຮລີກົບແຕລຸ້ນນີ້, ປະກອບມີ 5 ບ່ອນນັ່ງໃນນັ້ນສຳລັບນັກບິນ 2 ຄົນ, ສື່ສານ 1 ຄົນ, ນາຍຊ່າງ1 ຄົນ ແລະ ນັກວິຊາການ 1 ຄົນ. Mi-26 T2V
ແມ່ນຕິດຕັ້ງເຄື່ອງຈັກທີ່ຜ່ານການຍົກລະດັບ D-136-2 ປະສົມປະສານກັບລະບົບຄວບຄຸມອັດຕະໂນມັດ FADEC ເພື່ອຊ່ວຍໃຫ້ນັກບິນສາມາດ
ຄວບຄຸມເຮືອບີນໄດ້ດີຂຶ້ນ.
ຕາມຂ່າວແຈ້ງຕື່ມວ່າ: ເຮືອບິນລຸ້ນນີ້ມີຄວາມໄວສູງສຸດປະມານ 300 ກິໂລແມັດຕໍ່ຊົ່ວໂມງ, ບີນໃນລະດັບສູງສຸດ 4.600 ແມັດ ແລະ ປະຕິບັດ
ການເກືອບ 2.000 ກິໂລແມັດ/1ຄັ້ງ, ສາມາດບັນທຸກສິນຄ້າໄດ້ຫຼາຍກວ່າ 25 ໂຕນ, ບັນຈຸທະຫານໄດ້ 90 ຄົນ ພ້ອມດ້ວຍອາວຸດຍຸດໂທປະກອນຄົບ
ຊຸດ ເເລະ ບັນຈຸທະຫານບາດເຈັບໄດ້ 60 ຄົນ ພ້ອມອຸປະກອນການແພດ ຫຼື ພາຫະນະສູ້ຮົບໄດ້ 10 ໂຕນ.
ແຫຼ່ງທີ່ມາ: ໜັງສືພິມກອງທັບ
ວັນທີ 16/08/2023